Is ócáid amhránaíochta ar an sean-nós í Ó Bhéal go Béal a dhéanfaidh ceiliúradh ar an traidisiún béil agus ar an gcaidreamh idir glúnta éagsúla amhránaithe sa Ghaeltacht. Faoi stiúir an amhránaí sean-nóis Síle Denvir, tabharfaidh an ócáid ardán d’amhránaithe óga áitiúla as Cois Fharraige chun amhráin a bhfuil brí ar leith acu dóibh féin a chur i láthair, chomh maith le roinnt a dhéanamh ar na hamhránaithe agus na taifid a spreag iad féin mar amhránaithe.