Beidh pobal Mhaigh Cuilinn ag teacht le chéile le haghaidh oíche mhór cheiliúrtha ar thallann agus ar shaibhreas an cheantair. Beidh idir cheol agus drámaíocht, idir óg agus aosta, idir sheanchas agus damhsa ar stáitse le rannpháirtíocht an phobail i Wildlands. Beidh ealaíontóirí áitiúla ar an gclár le léiuriú a thabhairt ar a bhfuil againn sa cheantar. Drámaí nuachumtha de chuid Aisteoirí an Bhaile agus Aisteoirí Óga an Bhaile, ceol ó Chomhaltas agus ceoltóirí eile, agus damhsa ó chleachtóirí óga an cheantair. Déanfar ceiliúradh ar ár n-oidhreacht Ghaeltachta agus Ghaeilge in ionad áisiúil iontach oscailte do chách le bialann agus beár ar fáil freisin.