Beidh pobal Mhaigh Cuilinn ag teacht le chéile le haghaidh oíche mhór cheiliúrtha ar thallann agus ar shaibhreas an cheantair. Beidh idir cheol agus drámaíocht, idir óg agus aosta, idir seanchas agus damhsa ar stáitse le rannpháirtíocht an phobail. Is ealaíontóirí áitiúla ar fad a bheidh ar an gclár le spotsolas a chaitheamh ar a bhfuil againn sa cheantar a chuirfidh béim ar ár n-oidhreacht Gaeltachta agus cultúr ildánach Mhaigh Cuilinn.
Beidh go leor ealaíontóirí agus grúpa éagsúla ag dul ar stáitse i ndiaidh a chéile le clár ilghnéitheach a chur os comhair an phobail. Tosóidh muid amach le ceol, agus is í buaicphointe na hoíche ná gearrdhráma de chuid Aisteoirí an Bhaile agus dráma ón ngrúpa Aisteoirí Óga freisin. Is grúpa iad Aisteoirí an Bhaile atá lonnaithe i Maigh Cuilinn le taithí na mblianta i ndrámaí Gaeilge a chur ar stáitse.
Beidh rannpháirtíocht í ó na scoileanna áitiúla ar stáitse in éineacht leis na grúpaí eile agus réimsí éagsúla den chultúr a chur i láthair. Beidh Comhaltas Ceoltóirí Éireann lonnaithe sa chag cur ceolchoirm bheag le clár na hoíche idir grúpaí ceoil eile, le hamhránaithe, staraithe agus filí áitiúla ag déanamh gearrphíosaí dá gcuid saothair féin.