Armagh

Ceolchoirm Ghaelach le meascán d’amhránaíocht agus de cheol traidisiúnta ó scoth na gceoltóirí áitiúla san ionad nua ealaíne, Aonach Mhacha, atá lonnaithe ag an Seamlas i gcroílár Ard Mhacha.

Reáchtálfar ceolchoirm Ghaelach in ionad Aonach Mhacha le deis a thabhairt do Ghaeil Ard Mhacha ceiliúradh a dhéanamh ar an Oíche Chultúir. Beidh meascán d’amhráin thraidisiúnta agus nua-aimseartha na Gaeilge le cluinstin, chomh maith le scoth an cheoil thraidisiúnta ó cheoltóirí áitiúla Ard Mhacha. Beidh eolas ar fáil ar an oíche fosta ar réimse na ranganna agus na n-imeachtaí Gaeilge a bheas ar siúl sa lárionad don téarma úr.