“Cad é Plein Air?”

Beidh oíche oscailte le bheith ar siúl ag An Gailearaí sa ghailearaí féin, áit ar féidir leis an phobal níos mó a fhoghlaim faoi phéintéireacht ‘plein air’. Ealaíontóir seanbhunaithe é Cornelius Browne a úsáideann an mhodheolaíocht seo agus tabharfaidh sé cur i láthair faoina shaothar agus faoina thaithí ar obair amuigh faoin aer. Ina theannta sin, tabharfaidh Dee Shanny, atá ina healaíontóir seanbhunaithe fosta, cur i láthair faoin ghrúpa a ndéanann sí ionadaíocht dóibh, a thagann le chéile go rialta agus a thaistealaíonn le chéile chun oibriú in situ in áiteanna éagsúla. Is cuma mura bhfuil aon taithí agat ar phéinteáil nó fiú ar obair ‘plein air’ mar is imeacht tosaigh é seo atá oscailte do chách. Thig leat teacht agus bualadh leis na healaíontóirí. Beidh tae/caife ar fáil.