Caith oíche amhránaíochta agus aithris le Buaiteoir Shean-Nós na mBan 2025, Clíona Ní Ghallachóir. Beidh Clíona ag casadh amhráin, ag aithris filíochta agus ag insint scéalta i nGaeilge álainn Dhún na nGall. Beidh fáilte roimh cheoltóirí na háite a gcuid uirlisí a thabhairt leo agus a bheith páirteach san imeacht fosta más mian leo! Beidh na doirse ar oscailt don phobal i gcoitinne agus cuirfear roinnt sólaistí ar fáil chun oíche galánta a chruthú do chách. Bí ann!